L'atleta da 34 onns, ch'è daventada campiunessa olimpica il 2004 ed il 2008, tegn anc adina il record mundial da siglir cun l'asta, e quai cun 5.06 meters.
Suenter ch'ils sportists da la sparta atletica leva da la Russia eran vegnids exclus dals gieus olimpics a Rio, aveva Isinbajewa empruvà da sfurzar ina participaziun sin via giudiziala. Ella aveva dentant fatg naufragi.
A Rio è Isinbajewa vegnida elegida sco nov commember da l'IOC ed appartegn en l'avegnir a la cumissiun d'atlets.