Siglir tar il cuntegn

Header

cuntegn

Rio 2016 Jeremy Jenal – in giuven cun in siemi

Jeremy Jenal da Samignun ha 21 onns ed è dapi in grev accident cun skis d'avant sis onns tetrapleghicher. La blessura dal dies ha sfurzà il giuven en sutga da rodas. Ed: El gioga rugby.

Cunquai ch'il magugl dal dies era mo blessà parzialmain po Jeremy Jenal ir a pè ed era muventar sia bratscha. Sulettamain sch'el sto star l'entir di en pe ni per giugar ses sport rugby è el dependent da la sutga da rodas, pia er per ses grond siemi – la participaziun als gieus paralimpics il 2020 a Tokio.

4 giugadurs da rugby en sutga da rodas da sport en ina halla
Legenda: La sutga da rodas drova Jeremy Jenal per il rugby. mad

Cun la squadra naziunala ha el gia pudì prender part a campiunadis europeics sco era mundials. Ils gieus paralimpics sajan però il pli grond insumma per in sportist cun in impediment. Cunzunt survegnian ils atlets sco era ils differents sports dapli attenziun ch'uschiglio.

RR actualitad 11:00

Artitgels legids il pli savens