Siglir tar il cuntegn

Header

cuntegn

Rio 2016 31avels gieus olimpics a Rio èn a fin

Cun ina ceremonia festiva è ils emprims gieus olimpics en l'America dal Sid ids a fin. Ils proxims gieus han lieu en quatter onns a Tokio en il Giapun.

A Rio de Janeiro èn ils 31avels gieus olimpics ids a fin questa notg.

Accumpagnads da ferma plievgia èn atletas ed atlets marschads en il stadion da Maracanã. La bandiera svizra ha purtà il campiun olimpic grischun Nino Schurter.

Curt passà las diesch temp local ha il president dal Comité olimpic internaziunal Thomas Bach lura declerà la finiziun dals gieus. En quatter onns sa radunan ils sportists en la chapitala giapunaisa Tokio per ils proxims gieus olimpics da stad.

La delegaziun svizra vegn a chasa cun set medaglias. L'ultima medaglia d'aur per la Svizra ha il grischun Nino Schurter gudagnà.

RR novitads 06:00

Artitgels legids il pli savens