Siglir tar il cuntegn

Header

cuntegn

Festa da lutga federala 2016 Avertura da la Festa da lutga federala

La festa da lutga federala e da gieus alpesters 2016 ad Estavayer-le-Lac ha cumenzà cun in’avertura tradiziunala cun musica, saut e pleds da bainvegni.

Cifras tar la festa da lutga

Avrir la box Serrar la box
  • 25 milliuns budget
  • 250’000 visitaders vegnan spetgads
  • 50’000 plazs en l’arena
  • 4’000 gidantras e gidanters
  • 70’000 uras prestadas da gidanters
  • 200 persunas en il comité d’organisaziun
  • 90 hectaras plazza da festa
  • 900 kilos paisa il premi principal, taur «Mazot de Cremo»
  • 07:30 la sonda è il cortegi dals «nauschs»

En l’arena da la Broye ch’ha plaz per passa 52’000 persunas han blers millis dastgà savurà l’emprima giada l’atmosfera da lutga tut speziala ed il fried dal resgim, quai tar temperaturas da stad da passa 30 grads.

Dus dis plain cumbat per daventar retg

Sin l’areal da festa vegn spetgà questa fin d’emna bun in quart milliun visitaders. Enturn l’arena è perquai vegnì fabritgà numerusas tendas, pavigliuns, public viewings, bars e stans.

Durant dus dis vegn cumbattì en il chantun Friburg per il titel dal retg da lutga 2016. Tranter ils favurits tutgan il retg actual e defensur dal titel, Matthias Sempach, il retg dal 2010 Kilian Wenger, il victur da la lutga da Kilchberg Christian Stucki ed il meglier da la stagiun acutala, Armon Orlik da Maiavilla.

Las 50’000 plazzas èn vendidas ora gia daditg. Per tut quellas e quels che n’han betg access datti diversas tailas grondas per seguir als duels en il resgim.

RR novitads 17:00

Artitgels legids il pli savens