Malgrà las sfidas cun duas giadas spustar la partenza, lura la naiv nova e las cundiziuns prentensiusas che han sfurzà divers curridurs e curriduras d'interrumper la cursa gia avant l'arrivada p. ex. a Bever, sa mussa il directur dal Maraton da skis engiadinais, Menduri Kasper, cuntent. Ils atlets e las atletas hajan sentì organistoricamain tant sco nagut da las midadas e pli grondas blessuras e grevs cas medicinals n'haja quai er betg dà. In pau dischillusiunà è Kasper en connex cun la tematica da la tschaira da fluor. La finala han 12 da 60 atletas ed atlets controllads han duvrà tala tschaira malgrà il scumond eonconuschent e communitgà. Er l'atleta ch'è ensasez stada la pli sperta, Maëlle Veyre che perquai vegnida disqualifitgada.
Top 10 da las dunnas e dals umens
| Rang | Dunnas | Umens |
| 1. | Giuliana Werro | Magne Haga (NOR) |
| 2. | Federica Sanfilippo (ITA) | Thomas Bucher-Johannessen (NOR) |
| 3. | Carla Wohler | Filip Fjeld Andersen (NOR) |
| 4. | Flora Dolci | Dario Cologna |
| 5. | Sara Hutter | Fabrizio Albasini |
| 6. | Margaux Gaillard | Nicola Wigger |
| 7. | Sophe Lechner | Irineu Esteve |
| 8. | Mariah Bredal | Riebli Janik |
| 9. | Seraina Boner | Thomas Bing |
| 10. | Emilie Bulle | Gerar Agnellet |
Il di da maraton en survista
Themen in diesem Liveticker
- Quai èsi stà dal liveticker da maraton 2024
- Anc in zic istorgia da passlung
- Ils Dus da nus – Marcus è en l'arrivada cun in temp da 3:03:01
- Tge resta? – indigenas sin il podest e hectica pervi dal fluor
- In maraton «fitg dir», «pretensius» e «spezial»
- Ils Dus da nus – Marcus è passa 4 km avant Elias
- «Anc betg realisà tut»
- Il podest norvegais dals umens
- Ils Dus da nus: Voss favurit è Elias
- La pli sperta è disqualifitgada pervi da tschaira da fluor
- La meglra Svizra – Giuliana Werro dat pled e fatg
- Dario Cologna – il meglier Svizzer en l'intervista
- Maëlle Veyre avant Giuliana Werro sin il podest
- Magne Haga sisum il podest norvegais
- Probabel nagins prims plazs per indigenas ed indigens
- I dovra tut en la fasa finala
- Da naiv e vent tras l'Engidin'Ota
- Giuliana Werro sin buna via da defender la victoria
- Da la stretga a la Punt dals bovs sur la plazza da golf
- Buna atmosfera malgrà naiv e vent
- Suenter in'ura surpassan ils umens las dunnas
- Sis umens a la testa a Schlarigna sin la runda supplementara
- Giuliana Werro suonda a Flora Dolci
- Duell Svizra – Frantscha tar ils umens
- Flora Dolci e Dario Cologna han fatg tempo
- Cun in zic distanza è era l'elita dals umens partida
- L'elita da las dunnas è partida
- Naiv ma er sustegn dal vent en il dies
- Or dal bus da radio
- Bun di ...
Per la prima giada dapi la prima ediziun il 1969 n'ha il maraton betg mandà sur ils lais da Segl e Silvaplauna. 10 dis avant la partenza avevan ils organisaturs gia spustà la partenza da Malögia a Segl pervi da la situaziun malsegira sin il lai da Segl. E be paucs dis avant la partenza da la pli gronda cursa populara da passlung en Svizra han els anc ina giada spustà la partenza da Segl a Silvaplauna perquai ch'il temp na tanscheva er betg pli per elavurar la naiv sin il lai da Silvaplauna.
Uschia partan ils radund 13’000 curridurs e curriduras davent da Silvaplauna. Quai ch'ha consequenzas per la lunghezza dal traject. Lez vegn ad esser tranter 38-40 kilometers lunga. L'arrivada resta a S-chanf ed er las uras da partenza restan tuttina.
Er Cursa da notg cun nov traject
Spustà han ils organisaturs er la partenza da la 6avla Cursa da notg la gievgia saira. Empè dals 17 kilometers da Segl a Puntraschigna, è la partenza da questa cursa vegnida spustada a La Punt Chamues-ch, uschia ch'ella è stada 16 kilometers lunga. L’arrivada a Puntraschigna ed il temp da partenza a las 19:00 èn restads sco usità.
Temperaturas autas e blera naiv nova
Sco quai ch'ils organisaturs han communitgà, haja d'ina vart dà memia blera naiv nova, da tschella vart sajan las temperaturas memia autas ed il glatsch betg gross avunda per pudair preparar las loipas sin il Lai da Silvaplauna. Pia il medem problem sco quai ch'igl avevan gia sin il Lai da Segl, nua ch'ins aveva decis da spustar la partenza a Segl.
Quai fa mal, dentant n'è ina loipa segira betg pussaivla quest enviern sur il Lai da Silvaplauna.
Igl è l'emprima giada dapi il 1969 che la partenza dal Maraton da skis engiadinais n'ha betg lieu a Malögia e ch'ins na po betg manar il maraton sur ils dus lais engiadinais ils pli gronds. Il comité d'organisaziun è dentant stà preparà per ina dischlocaziun da partenza: «Scenaris d'urgenza sco quel tutgan tar nossa preparaziun. Els pussibiliteschan ina reacziun flexibla sin las influenzas da l'aura sco quest enviern», vegn Menduri Kasper, il CEO dal Maraton da skis engiadinais cità en la communicaziun.
Duas rundas supplementaras
Per cumpensar intgins kilometer che mancan entras la partenza spustada avevan ils organisaturs decis gia suenter ch'ins aveva stuì spustar la partenza a Segl da far duas rundas supplementaras, ina a Silvaplauna-Surlej ed ina a Schlarigna/Samedan. Uschia vegn il traject dal maraton da quest onn ad esser tranter 38-40 kilometers.
L'onn passà memia pauca naiv
Cuntrari da quest onn, avevan ils organisaturs l'onn passà da cumbatter cun memia pauca naiv. Ed era là avevan ins sinaquai stuì adattar il traject da la loipa:
