- La directura da l'Uffizi federal da polizia (Fedpol), Nicoletta della Valle, sa retira per ils 31 da schaner 2025.
- Il Cussegl federal ha approvà la mesemna la demissiun da la dunna da 62 onns.
- Sia plazza vegn scritta ora publicamain.
La directura da l’Uffizi federal da polizia (Fedpol), Nicoletta della Valle, sa retira sin ils 31 da schaner 2025. Il Cussegl federal ha approvà la demissiun da la dunna da 62 onns. Davart la successiun vegn decidì pli tard.
Della Valle maina dapi prest 10 onns il Fedpol. I saja stà in grond giavisch da far or da l'Uffizi federal ina polizia, uschia ha scrit il Cussegl federal en ina communicaziun. Ella haja dà fermamain paisa sin la collavuraziun intensiva cun autoritads partenarias svizras e da l'exteriur tar il cumbat cunter privels terroristics e cunter la criminalitad organisada. «Il Cussegl federal engrazia a Nicoletta della Valle per sia lavur e ses engaschi per la segirezza da la populaziun svizra», hai gì num en la communicaziun.
«Prestaziun extraordinaria»
Tenor il Cussegl federal vegn la plazza scritta ora proximamain publicamain. Il Cussegl federal ha undrà l'engaschament «nunstanclentaivel» da della Valle. Ella haja prestà ina contribuziun extraordinaria per cumbatter la criminalitad greva e la criminalitad organisada sco era per meglierar la persecuziun penala.
