Svizra - Tamara Funiciello è vicepresidenta da la PS Svizra
La scheffa dals giuvens socialists è da nov il maun dretg da Christian Levrat. Lez è vegnì reelegì senza cuntravusch sco president da la Partida socialdemocratica.
Tamara Funiciello che ha 26 onns è vegnida elegida cun mo ina cuntravusch. Ella remplazza l'anteriur schef dals giuvens socialists, Fabian Molina. Funiciello lavura sco secretaria d'in sindicat ed era vegnida elegida avant in'emna en il parlament da la citad da Berna. Funiciello è burgaisa dubla svizra-taliana.
