En Frantscha daventi pli lev da sajettar lufs ch’attatgan animals da niz. Quai ha communitgà la regenza a Paris. I na dastgia betg vegnir sajettà dapli animals, dentant vegnian simplifitgadas las proceduras necessarias per sajettar lufs problematics.
Era duajan stgarps da lufs vegnir indemnisads meglier. En Frantscha dastga mintg’onn vegnir sajettà enfin 19% da la populaziun da lufs. L’onn passà èn quai stads passa 200 animals. Tut en tut datti radund 1’100 lufs en Frantscha.
Legenda:
Or da protest pervia d'attatgas da lufs han allevaturs franzos manà lur muntaneras en ina citad il 2018.
Keystone
Er en il Grischun èn las proceduras vegnidas schluccadas. Il chantun Grischun ha survegnì la lubientscha da la Confederaziun da sajettar en tut 31 lufs. Sajettà han ils guardiaselvaschina la finala 20 lufs.
