- In commember da l'armada è mort mardi avantmezdi suenter in sajet vi dal chau sin la plazza d'armas a Bremgarten (AG).
- La giustia militara haja ferms indizis ch'i sa tracta dad in suicidi.
La giustia militara parta dal fatg ch'i sa tracta dad in suicidi tar la mort dad in schuldà sin plazza d'armas a Bremgarten en il chantun Argovia. Quai mussian ils resultads d'inquisiziun intermediars, sco il pledader da la giustia militara ha confermà envers l'agentura da novitads Keystone SDA. La giustia militara haja indizis «ferms» ch’i sa tractia da suicidi.
Las inquisiziuns da la giustia militara èn dentant idas vinavant. Fin ussa era vegnì discurrì d'in cas d'ina sajettada durant in exercizi da la scola da recruta:
Il cas è capità mardi avantmezdi sin la plazza d'armas a Bremgarten (AG). Suenter l'emprim provediment medicinal era il schuldà vegnì sgulà cun in helicopter da salvament en l'ospital nua ch'el è mort il mardi avantmezdi. Tar l'unfrenda sa tractia d'in absolvent da la scola da recruts, ha ditg il pledader da l'armada Mathias Volken sin dumonda da l'agentura da novitad Keystone-SDA. Ulteriuras indicaziuns davart l'unfrenda n'ha el fatg naginas.
La scola da recrut saja actualmain en la 15avla emna da scolaziun da la furmaziun da federaziun. Ils confamigliars dal schuldà sajan vegnids infurmads e sco era ils camarats, tgirads da care-teams locals sco era da quels da l’armada.
