Las partidas grondas sustegnian da principi il plan da cusseglier federal Alain Berset che vul uschia spargnar 700 milliuns francs. Quai scriva la NZZ da la dumengia. Ella sa basa sin las respostas da la consultaziun.
Il pli cler per la reducziun da las tariffas dals medis èn la PCD la PBD ed ils Verd-liberals. La PPS a exprimì resalvas pli grondas ed era ils liberals an formulà cundiziuns.
Reproschas ed argumentaziuns
Era la protecziun dals consuments è da l'avis ch'ins sto cun quests tagls proteger ils pajaders da premias. Quai ha detg la presidenta Prisca Birrer-Heimo. D'accord èn las partidas en quai, che oravant tut medis ed ospitals èn sez la culpa. Ils Verd-liberals prendan direct ils medis en visier. Els èn da l'avis ch'ils medis n'èn pauc interessads da laschar guardar en las cartas, crititgescha la partida. Els na vulan era betg preschentar lur gudogn.
Il medi Jürg Schlup, president da l'uniun da medis e medias FMH, sa defenda cunter questa critica. Tenor ses punct da vista obtegnan ils medis la rolla dal «Peder nair». Quai ha el ditg en ina intervista cun la «NZZ am Sonntag».
RR novitads 09:00
