Las pajas en Svizra èn s’augmentadas il 2016 en media per 0,7%, quai mussa l’index da paja da l’uffizi federal per statistica. Il creschament vala quasi sur tut las branschas, ils pli gronds creschaments cun passa 2% nodan las pajas tar il commerzi a l’engrossa sco era tar las bancas ed assicuranzas.
In minus da paja d’en media 0,7% noda la branscha da lain, palpiri e da stampats. Perquai che la chareschia annuala munta a minus 0,4% èn las pajas realas en questas branschas sa reducidas sulet per 0,3%, scriva l’uffizi federal da statistica.
Sur tut las branschas è l’augment da las pajas realas tar 1,1%.
RR novitads 15:00