Siglir tar il cuntegn

Header

cuntegn

Svizra Mühleberg ha memia chaud – la prestaziun è sbassada

Las temperaturas autas dal mument han era consequenzas per l’ovra atomara a Mühleberg en il chantun Berna. Uschia è l’aua da l’Ara sa stgaudada sin sur 20,5 grads uschia che la prestaziun da l’ovra è vegnida sminuida per 5%, communitgescha la gestiunaria da l’ovra la BKW.

L’aua da l’Ara vegn duvrada per sfradentar, sche la temperatura crescha sur la marca da 20,5 grads vegn la producziun reducida per sa tegnair vida la concessiun. Ils ultims dis è la temperatura da l'Ara ida pliras giadas sur 20 grads. En la citad da Berna ha ella perfin cuntanschì 22 grads, quai ch'è fitg stgart durant il zercladur.

Era l’ovra atomara da Beznua dovra l’aua dal flum Ara per sfradentar. La situaziun vegnia observada, tar Beznau sto l’Ara sa stgaudar sin sur 22 grads per che la prestaziun stoppia vegnir reducida.

RR novitads 20:00

Artitgels legids il pli savens