Siglir tar il cuntegn

Header

cuntegn

helveCHia «Glatscharia Üna» – glatscha rumantscha a Basilea

Dapi diesch onns datti amez la citad da Basilea ina glatscharia cun i num vallader. Als da Basilea è quella bain enconuschenta. Dentant, tge istorgia è davos la «Glatscharia Üna»?

audio
Glatscharia Üna
ord Actualitad dals 19.06.2017.
laschar ir. Durada: 3 minutas 11 Secundas.

Markus Dufner, oriund da la Germania, è il possessur da la «Glatscharia Üna» a Basilea Citad. Il scolast secundar che viva gia dapi radund 15 onns en Svizra, vuleva gia adina avrir ina glatscharia.

Entras Balzer Derungs da Ftan ha el chattà in producent e furnitur da glatscha biologica. E damai che la glatscha deriva oriundamain da l’Engiadina, è era stà cler daco ch’ina glatscharia a Basilea porta in num vallader.

Mintg’entschatta è greva

Avant diesch onns ha Markus Dufner avert la «Glatscharia Üna» a Basilea. Avert è la glatscharia durant il temp da stad, tranter l’avrigl ed il settember. Tranter 12 e 15 students lavuran davos la vitrina cun 16 differentas sorts da glatscha. Era sch’ils emprims trais onns sajan stads fitg grevs, saja la «Glatscharia Üna» ussa bain enconuschenta als da Basilea. Tuttina na sappia el betg viver da la glatscharia. I saja plitost in hobi, dentant in hobi cun bler passiun.

Artitgels legids il pli savens