La banca naziunala svizra augmenta las pretensiuns per reservas minimalas da las bancas indigenas. Obligaziuns da deposits da clientella van en l'avegnir directamain en la calculaziun per las pretensiuns per las reservas minimalas communitgescha la banca. Questa midada vegn adattada sin l'emprim da zercladur.
Uschia vegnia abolì l'excepziun da fin qua che be 20% da questas obligaziuns vegnan resguardadas per la calculaziun. Ultra da quai auza la banca naziunala la tariffa da la reserva minimala a nov 4% d'avant 2,5%. Il curs da la politica monetara da la banca resta sco fin qua.
L'onn passà ha la BNS fatg ina perdita sin sias posiziuns dal franc dad 8,5 milliardas francs che derivava per ina part considerabla (7,4 milliardas) dals tschains dals dabuns da giro da las bancas.
