Tar ina carambolascha da massa sin l'autostrada A6 tar la sortida Bern Wankdorf èn nov persunas vegnidas blessadas. En total eran 10 vehichels involvids en plirs accidents, quai ha communitgà la polizia.
In emprim accident hai dà curt avant las 9 la damaun. Curt suenter hai dà pliras collisiuns suandantas. Tuttas nov persunas blessadas sajan vegnidas transportadas cun ambulanzas en l'ospital. Per las lavurs da salvament e rumida è la sortida Wankdorf stada serrada durant pliras uras.
RR novitads 11:00/14:00