Anc adina èn confiscads 45 chavals dal pur da Hefenhofen/Turgovia che stat en la critica d'avair maltractà animals. Il mument èn ils chavals en differents lieus en ils chantuns Grischun e Son Gagl. Tenor l'uffizi veterinar dal chantun Turgovia vegnia l'armada a transportar ils animals proxima mesemna a Schönbühl en il center da cumpetenza dal servetsch veterinar ed animals da l'armada. Là duain ils animals vegnir survegliads e sch'i fa da basegns tractads cunter malsognas da verms. Pli tard èsi planisà da vender ils chavals. Gia l'avust èn vegnids vendids 80 chavals tar in'aucziun a Schönbühl.
Tenor l'uffizi veterinar dal Grischun han radund 30 chavals ed in tozzel arments da Hefenhofen passentà la stad sin alps grischunas a Tavau ed en l'Engiadina. Quels animals èn uss puspè giu da las alps e sa chattan actualmain sin auters bains purils en Grischun. Quai ha communitgà la Chanzlia chantunala dal Grischun.
RR novitads 12:00
