Siglir tar il cuntegn

Header

cuntegn

Valladas talianas Ulteriura crudada da crappa al Piz Cengalo

Al Piz Cengalo hai dà venderdi saira ina ulteriura crudada da crappa. Tranter las 20:30 e las 22:30 saja ina part da la grippa en moviment crudada a val. I n'ha però dà nagina ulteriura bova, uschia communitgescha il stab da crisa da Bregaglia.

audio
Pledader dal stab da crisa, Christian Gartmann
ord Actualitad dals 16.09.2017.
laschar ir. Durada: 45 Secundas.

Al Piz Cengalo hai dà ier saira ina ulteriura crudada da crappa. Tranter las 20:30 e las 22:30 saja ina part da la grippa en moviment crudada a val. I n'ha però dà nagina ulteriura bova. Quant grip ch'è crudà n'è anc betg enconuschent ha ditg Christian Gartmann, il pledader da medias da Bregaglia. Il privel per bovas ord la Val Bondasca n'è betg sa midà, el resta aut.

Per motivs da segirtad dastgan ils abitants evacuads da Bondo, Spino e Promontogno ir pir da mezdi en lur chasas.

Piz Cengalo vegn surveglià di e notg

Ils moviments al Piz Cengalo na sajan betg surprendent cunquai ch'il piz vegnia surveglià di e notg, scriva la vischnanca. Il privel d'ina bova fin a Bondo saja il medem sco ils ultims dis, il dispositiv da segirezza saja adattà ad in tal svilup. Il temp d’avertiment munta quatter minutas durant il cler dal di, durant la notg è quel duas minutas.

RR novitads 08:00

Artitgels legids il pli savens