La stagiun d’enviern duai durar dal cumenzament dal december fin la fin da mars. Quai scriva il possessur dals implants da sport Giacomo Ghezzi en ina communicaziun. Il territori da skis è avert mintgamai las fins d’emna, e durant las vacanzas da Nadal e quellas da tschaiver è il territori da skis era avert durant l’emna.
La carta dal di vegn a custar per creschids 30 francs. Tenor las pendicularas da San Bernardino pon els offrir in pretsch uschè bas cunquai ch’ils dus runals Tre Uomini e Muton na vegnan betg en funcziun.
RR novitads 17:00