Siglir tar il cuntegn

Header

cuntegn

Valladas talianas Puschlav: Nova protecziun per la Val Beton

La Val Beton en il Puschlav survegn novs rempars da protecziun. La regenza ha approvà il project. In'analisa haja mussà ch'ina part dals rempars vegls sajan donnegiads. Ultra da quai na correspundian els betg pli a las pretensiuns da segirezza actualas.

Tras la Val Beton curra in torrent che po chaschunar bovas e che furma – ensemen cun l'aual lateral da la Val la Presa – in cugn alluvial enorm en il fund da la val. Da vegl ennà smanatscha quest sistem d'auals il territori d'abitadi dal vitg da San Carlo cur ch'i dat auas grondas.

En il rom d'in project da dustanza vegnan ussa reparads ils rempars da torrent donnegiads e cumplettads cun novs rempars preliminars. Ultra da quai vegnan sanadas differentas construcziuns per proteger la riva, vegn midada ina punt e vegn engrondì in collectur da gera.

RR novitads 10:00

Artitgels legids il pli savens