La famiglia da quatter era en tura sur il Passo di Zocca da l’Italia en Svizra vers la chamona Albigna.
Tar ina descensiun tras ina passascha da grippa enturn las 14:30 è l’um ch’era l’emprim da la gruppa crudà e sa blessà suenter ina crudada dad intgins meters. Ses confamigliars han pudì segirar el e prestar emprim agid. Cun quai che la rait da telefon na tanscheva betg fin al lieu da la disgrazia sin 2’600 meters è in dals figls partì dal lieu. Radund 30 minutas suenter l’accident ha la polizia pudì vegnir alarmada.
Silsuenter ha la Rega pudì salvar il blessà e sgular el en l’ospital a Cuira. In ulteriur helicopter ha transportà ils confamigliars a val.
RR novitads 12:00