Siglir tar il cuntegn

Header

video
Bondo sa quintar cun solidaritad da Berna
Or da Telesguard dals 13.09.2017.
laschar ir. Durada: 3 minutas 5 Secundas.
cuntegn

Valladas talianas Bondo: Parmelin è pront da trametter dapli forzas sch'i fa basegn

Cusseglier federal Guy Parmelin è a Bondo per far in maletg da la situaziun. En il center da las discussiuns cun las autoritads stattan cunzunt las lavurs dal militar en la regiun da la Val Bondasca.

audio
Saira: Guy Parmelin sin visita a Bondo
ord Actualitad dals 13.09.2017.
laschar ir. Durada: 2 minutas 33 Secundas.

Il parsura dal Departament federal da defensiun, protecziun da la populaziun e sport Guy Parmelin è ensemen cun il cusseglier guvernativ Christian Rathgeb a Bondo. Davent da la tegia da Sciora sur Bondo han els pudì far in maletg da la situaziun en la Val Bondasca. En il center da la visita stattan discurs cun las autoritads localas davart las incumbensas e lavurs che l’Armada svizra fa en Val Bregaglia. Saja quai da svidar il batschigl ni da segirar il terren.

Buna collavuraziun tranter l’armada, chantun e la vischnanca

Cusseglier federal Guy Parmelin en discurs cun la presidenta da la Bregaglia Anna Giacometti.
Legenda: Las autoritads portan tuttas ina giacca blaua cun scrit si «Bondo...con amore». RTR, Georg Luzzi

La collavuraziun tranter l’armada e las autoritads dal chantun e da la vischnanca funcziunia bain, di il cusseglier federal Guy Parmelin. Forsa pudess’ins dentant anc optimar ina ni l’autra chaussa tar la coordinaziun. L’armada saja pronta dad anc trametter dapli persunal sche quai fetschia basegn. I saja dentant la chaussa dal chantun e la vischnanca da stimar la situaziun e far la dumonda per dapli agid, di Parmelin.

video
Parmelin a Bondo
Or da RTR dals 27.09.2017.
laschar ir. Durada: 1 minuta 11 Secundas.

RR actualitad 17:00

Artitgels legids il pli savens