Siglir tar il cuntegn

Header

cuntegn

Ulteriur Grischun Seewis: Vias da transport pon vegnir sanadas

Il project da sanaziun custa 200'000 francs dapli che quintà. La radunanza communala ha approvà quest credit supplementar.

Per sanar las vias da transport a Seewis en il Partenz dovri dapli meds. Las calculaziuns han mussà ch'il project custass 900'000 empè da 700'000 francs. Perquai ha la radunanza communala gì da decider davart il credit da supplementar ed ha approvà quel.

Plinavant ha la radunanza approvà l'iniziativa ch'abitants da Seewis avevan inoltrà ils 14 da zercladur. L'iniziativa pretenda la promoziun da pussaivladads da parcar. La cumissiun da bajegiar, respectivamain la suprastanza duai vegnir obligada da schlargiar la pratica da lubir parcadis. Suenter la revisiun totala da la lescha da bajegiar l'onn 2009 n'eri numnadamain betg pli pussaivel da construir novs parcadis en vischnanca. Uss ha il suveran da Seewis pia schlià quest problem cun dir gea a l'iniziativa.

RR novitads 6:00

Artitgels legids il pli savens