Siglir tar il cuntegn

Header

cuntegn

Ulteriur Grischun Premiera bletscha da la Schlossoper a Haldenstein

Tadlar in’opera en il liber è in eveniment tut spezial. Dentant hai pluvì, l’opera è vegnida dischlocada dal chastè a Haldenstein en il Teater da Cuira. L’inscenaziun ha plaschì, almain per gronda part.

audio
Bunura: Impressiuns da la premiera da l'opera da Haldenstein
ord Actualitad dals 05.08.2017.
laschar ir. Durada: 5 minutas 34 Secundas.

Tut era pinà a Haldenstein, e lura hai cumenzà a plover. Igl è stà in grond manaschi enfin che tut ils requisits, las culissas, ils chantadurs sco ed il public eran en il Teater a Cuira. Cun ferm in’ura retard ha l’opera «Die Entführung aus dem Serail» da Wolfgang Amadeus Mozart cumenzà, preschentà da la Filarmonia da chombra dal Grischun. E l'opera ha lura cuzzà bunamain trais uras.

Rapiment e charezza, fugia e generusadad

Konstanze vegn rapinada da pirats, ensemen cun ses servient e sia servienta. Els trais sa tschentan tar il Bassa Selim en Tirchia, el cumpra els sco sclavs. Bassa Selim s’inamurescha en Konstanze, lezza charezza dentant Belmonte. Belmonte vegn per salvar tuts trais, la fugia malreussescha dentant. Bassa Selim è dentant generus e lai ir tuts praschuniers cura ch’el admetta, ch’il cor da Konstanze na vegn mai ad esser il ses.

tribuna ed orchester
Legenda: La tribuna e l'orchester èn pronts. RTR/ Angela Hendry

3 uras chant d'auta qualitad

Cun lur vuschs han ils talents internaziunals persvadì cumplainamain, dentant han els giugà magari surfatg. Irrità ha la rolla da la raquintadra, ina Konstanze veglia, che sa regorda dal passà. Ella è stada fitg en il focus, l’entir temp sin tribuna, ed ella ha era midà l’istorgia.

3 uras chant fiss stà pli divertent en il liber, cun massa aria frestga, ed ina bella culissa dal chastè, enstagl dad ina paraid naira dal teater.

RR actualitad 08:00

Artitgels legids il pli savens