Siglir tar il cuntegn

Header

cuntegn

Ulteriur Grischun In problem, duas soluziuns

A Landquart sto vegnir construi ina nova halla da gimnastica. Il suveran decida uss davart dus projects che han il medem intent, dentant sut tut autras cundiziuns.

Sin maisa èn dus projects. Per l’ina il project halla traidubla che vegn favurisada da la suprastanza communala da Landquart, e da l’auter maun il project Riedpark che vegn promovì d’ina gruppa d’interess.

Situaziun da partenza

L’infrastructura da la halla da gimnastica a Landquart è veglia e na basta betg pli a las pretaisas da la scola e d'uniuns sportivas. Plinavant ha era «Swiss unihockey» signalisà interess da sviluppar a Landquart in center da prestaziun d’unihockey per la Svizra orientala. Sinaquai ha la vischnanca laschà sviluppar il project Riedpark.

Avant in onn ha la suprastanza dentant decidì da metter ad acta quest project. Motiv: memia char, memia cumplitgà, ed i giaja memia ditg enfin ch’ins possia finalmain realisar el. La vischnanca ha dentant preschentà in nov project cun sulet ina halla da gimnastica traidubla. Quai n'ha ina gruppa d’interess dentant betg acceptà, ed els han cuntanschì ch'il suveran da Landquart sto decider tge ch’el vul. Halla traidubla u Riedpark?

Visualisaziun dal project Riedpark.
Legenda: Visualisaziun dal project Riedpark. MAD

Project Riedpark

Sper ina halla da gimnastica prevesa quest project anc in hotel ed abitaziuns. Cumpiglià en la halla fissan in tschaler da sajettar ed in tschaler da lutga. L’entir project vegniss finanzià d’in investider privat, quel surprendess era il bajetg e manaschi Forum Ried ch'è deficitar.

Visualisaziun da la halla traidubla.
Legenda: Visualisaziun da la halla traidubla. MAD

Halla traidubla

La halla traidubla custass a la vischnanca 15 milliuns francs. La vischnanca fiss dentant per 100% possessura. I sa tracta d’ina halla gronda, cun paraids mobilas pudess ins dentant parter quella en trais hallas.

RR actualitad 08:00

Artitgels legids il pli savens