Siglir tar il cuntegn

Header

cuntegn

Ulteriur Grischun Chavà ora il «Churer Tor» a Maiavilla

A Maiavilla èn vegnids a la glisch restanzas istoricas d'ina chanalisaziun, ruinas dal mir e dal foss al vest sco er dal «Churer Tor». Quai communitgescha il servetsch archeologic dal Grischun.

Dapi mez avrigl 2017 saneschan il chantun Grischun e la citad da Maiavilla la salaschada en la citadina da Maiavilla. A medem temp vegn construida ina colliaziun privata tranter la chasa Brügger / von Sprecher e la garascha sutterrana «Klosterhof».

En connex cun las lavurs da stgavament per questa colliaziun èn vegnidas chattadas en la zona d'archeologia restanzas istoricas d'ina chanalisaziun, ruinas dal mir e dal foss al vest da la citad e da l'uschenumnà «Churer Tor». Questa structura fitg cumplexa che sa cumpona da divers mirs e da divers sistems da chanalisaziun basegna ulteriuras analisas ed ina documentaziun exacta tras il servetsch archeologic dal Grischun, pervia da las intervenziuns architectonicas previsas.

Via Luzisteig resta serrada

Questas analisas retardeschan la construcziun da la nova colliaziun sco er la sanaziun da la salaschada. Per quest motiv sto la via dal Luzisteig probablamain restar serrada fin la fin da fanadur 2017.

RR novitads 10:00

Artitgels legids il pli savens