Sursaissa Mundaun - Vischnanca quinta cun in minus da 485'000 francs

A Sursaissa Mundaun ha la radunanza communla approvà il preventiv per l'auter onn. Quel quinta cun in minus da 485'000 francs tar expensas da bun 13 milliuns. Il pe da taglia ha il suveran da Sursaissa Mundaun decis da laschar tar 95% da la taglia chantunala simpla. Era la taglia sin immobiglias resta sco fin qua tar 1,5 promil.