Surselva - Project per meglierar la via da Schlans
La via da Trun a Schlans daventa pli segira. La regenza grischuna ha approvà il project d’exposiziun per curreger la via, quai cun intginas permissiuns spezialas e cundiziuns.
La via na correspundia betg pli als basegns actuals ed a las pretensiuns da segirezza modernas, communitgescha la regenza. La via da Schlans vegn renovada e schlargiada sin 4,2 meters, la punt da la Val Sinzera vegn schlargiada a 7 meters.
En il rom dal project è era previs da renovar la structura sura da la via, ils mirs da sustegn ed ils indrizs per allontanar l’aua da la via.