Siglir tar il cuntegn

Header

video
Tavanasa – la punt veglia resta
Or da Telesguard dals 14.03.2016.
laschar ir. Durada: 2 minutas 29 Secundas.
cuntegn

Surselva La punt veglia da Tavanasa vegn salvada

Il salvament è pussaivel grazia al chantun. El metta a disposiziun a la nova fundaziun 300’000 francs per mantegnair questa punt.

I sa tractia dals 300‘000 franc ch’eran destinads per stgarpar giu la punt che duajan uss servir a salvar ella. La punt veglia duai servir per il traffic plaun. Persuenter desistan il chantun e la vischnanca sin in passape sin la punt nova.

La punt a Tavanasa e davostiers il vitg e la baselgia da Danis
Legenda: La Punt da Tavanasa en curt mo per velos e peduns RTR, G. Hosang

Desister dal passape signifitga ch'i fa prescha. La fundaziun sto esser en funcziun uschia spert co pussaivel per surprender la responsabladad per la punt veglia.

Sco quai che Rita Cathomas-Bearth, la presidenta da l’uniun NOSSA PUNT, ha ditg ad RTR, stoppia l’uniun uss dir gea a la fundaziun e lura sappia la punt vegnir mantegnida.

La suprastanza da l’uniun NOSSA PUNT ha buna speranza che la radunanza dals 9 d’avrigl 2016 consentischa a la proposta da la suprastanza. Pir cura quest act è fatg, pon ins dir la punt veglia è vairamain salvada.

audio
Mezdi: La punt Tavanasa vegn salvada
ord Actualitad dals 14.03.2016.
laschar ir. Durada: 3 minutas 9 Secundas.

Artitgels legids il pli savens