Siglir tar il cuntegn

Header

cuntegn

Surselva Cuminanza rumantscha da Flem cun nov schlantsch

2016 era l'uniun «Cuminonza romontscha Flem» curt avant sa schliar. La radunanza generala ha dentant elegì ina nova suprastanza e dapi lura ha l'uniun survegnì nov schlantsch.

2016 era l'uniun «Cuminonza romontscha Flem» curt avant sa schliar. A la radunanza generala aveva la suprastanza partenta gia tschentà la dumonda da schliar l'uniun sin la glista da tractandas. Quai malgrà che l'uniun aveva anc 70 commembers e n’aveva era betg problems finanzials.

Hans-Peter Meiler, il president da l'uniun.
Legenda: Hans-Peter Meiler, il president da l'uniun «Cuminonza romontscha Flem». RTR, Carlo Albin

La radunanza generala ha dentant elegì ina nova suprastanza e dapi lura ha l'uniun survegnì nov schlantsch.

Uschia datti sairas da discurrer rumantsch, sairas da gieus nua ch'i vegn era dà troccas, sairas da chant, excursiuns e novs servetschs divins per rumantsch. Era ina nova pagina d'internet è vegnida creada.

Tut quellas activitads han dà il davos onn nov schlantsch a l'uniun ed il dumber da commembers è creschì tenor il president Hans-Peter Meiler da 70 sin circa 90 persunas.

RR actualitad 11:00

Artitgels legids il pli savens