Siglir tar il cuntegn

Header

cuntegn

Surselva A Vrin mora in um sin in’excursiun

L’um da 74 onns ha fatg il mardi suentermezdi in’excursiun da Vrin en la Lumnezia anora en in territori ch’el enconuscheva. Sin terren schelà è el glischnà ora. Cun cupitgar en in aual è el sa blessà mortalmain.

Cura che l’um n'è betg turnà il mardi saira, ha sia dunna alarmà la polizia. La secziun Piz Terri dal CAS ensemen cun la Rega han lura chattà l’um en il territori da Puzzatsch en l'Aua Diesrut. La mesemna en damaun ha in helicopter da la Rega lura transportà enavos la bara.

RR novitads 18:00

Artitgels legids il pli savens