Siglir tar il cuntegn

Header

video
Requirents van cun skis
Or da Actualitad dals 18.01.2017.
laschar ir. Durada: 3 minutas 19 Secundas.
cuntegn

Surselva A Mustér emprendan ils requirents dad ir cun skis

Per ils requirents d’asil datti adina puspè pussaivladads da s'integrar, actualmain cun emprender dad ir cun skis. I dat tranter auter era ina buna raschun ch'els vegnan sustegnids d'emprender dad ir cun skis.

audio
Mezdi : Mustér – curs d’ir cun skis per requirents d’asil
ord Actualitad dals 19.01.2017.
laschar ir. Durada: 3 minutas 21 Secundas.

Ils blers dad els n’han anc mai vis naiv. Ma tuttina han els prendì la chaschun da pudair emprender dad ir cun skis. In dals iniziants è Gion Michel Flepp. Sco el di saja questa idea naschida fitg spontan. El haja gia fatg bunas experientschas cun ils requirents en auters sports e pensà da simplamain ina giada dumandar sch’i hajan interess dad ir cun ski. Sinaquai ha el contactà las Pendicularas Mustér e la Scola da skis da Mustér.

Engraziament e speranza d'avair lavurers

L’equipament da skis, chalzers e festa, mettan las Pendicularas Mustér a disposiziun gratuitamain. Sco Marco Schmed da la direcziun di, saja quai in engraziament. Ils requirents hajan fatg durant la stad lavurs vid trutgs e sendas e da quai profiteschian era las pendicularas. Vinavant speran ins che sch’ils requirents sappian ir cun skis, che las pendicularas possian emploiar els en lieus en il territori da skis nua ch’i stoppian savair ir cun skis. Fin ussa lavuran els tenor Marco Schmed p.ex. en la gastronomia, nua ch’i na dovria naginas conuschientschas dad ir cun skis.

Metter a disposiziun resti ed infrastructura

L’infrastructura dad ir cun skis e pistas metta la Scola da skis Mustér a disposiziun gratuitamain. Vinavant ha ella era organisà resti da skis. Sco Giusep Flepp di, saja quai impurtant ch’ils requirents d’asil chapeschian nossa cultura ed era tge che capitia en in lieu da turissem. Perquai saja quai stà cler ch’el sa gidia.

Ils requirents d’asil sez han tschaffen dad emprender dad ir cun skis. Sche tut va bain mussan Gion Michel Flepp ed ulteriurs scolasts da skis vinavant en lur temp liber dad ir cun skis als requirents, cura ch’i n’ha betg blers turists sin pista.

RR actualitad mezdi 11:00

Artitgels legids il pli savens