Siglir tar il cuntegn

Header

cuntegn

Surselva 400 voluntaris per la Festa d’accordeon a Mustér

Igl è ina sfida d’organisar tantas persunas per la Festa federala d'accordeon a Mustér. Las preparativas per chattar voluntaris hajan gia cumenzà l’atun passà, di la responsabla per il persunal Rita Furger.

audio
Mezdi: Festa d'accordeon Mustér - coordinar 400 gidanters voluntaris
ord Actualitad dals 02.06.2016.
laschar ir. Durada: 2 minutas 45 Secundas.

Durant l’organisaziun saja quai dentant capità ch’il comité d’organisaziun haja gì giavischs ubain ch'inqualin vegnia malsaun u haja fatg in accident e na possia betg vegnir a gidar. I dat er cas nua che persunas hajan ditg gea a l’entschatta e lura tuttenina na.

Blers da Mustér e Sumvitg

Ma Rita Furger è cuntenta ch’i dat anc persunas ch’èn prontas da gidar. Ils blers voluntaris vegnan da las vischnancas da Mustér e Sumvitg, ma era d’autras regiuns en Surselva ed intgins schizunt da la Bassa.

Lavur en 10 secturs

Ils gidanters lavuran en 10 secturs, tranter auter en l’infrastructura, la gastronomia, cuschina, secretariat ubain sco pledader u guid.

Sper la lavur d’organisar voluntaris ha Rita Furger anc sviluppà ideas per decoraziuns en stizuns ed ustarias. E la finala stoppia ella anc far in cundriz per la bandiera per la festa federala d’accordeon.

RR actualitad 11:00

Artitgels legids il pli savens