Carmelia Maissen, cussegliera guvernativa dal Grischun, di ch'i sajan pli u main cuntent. Dentant dettia tuttina anc intgins puncts ch'il chantun crititgescha vi da l'ordinaziun da chatscha. Uschia manchia la finanziaziun, i dat dumondas da birocrazia che na cuntenteschan betg ed els na possian betg regular pèrins da lufs senza pitschens.
Er il scumond da regular lufs en ils refugis da chatscha vesain nus in zic auter.
La chatscha gronda sin lufs na giaja tenor Carmelia Maissen dentant betg liber. Per l'emprima perioda da regulaziun haja il chantun la finamira da guardar ch'il dumber da lufs na creschia betg vinavant e da pudair intervegnir là nua ch'i dettia ils pli gronds conflicts.
Realisar e regular
Tar l'Uffizi da chatscha e pestga dal Grischun sa preschenta uss la dumonda da la realisabladad. Tenor Arno Puorger, responsabel per animals da rapina, manchian las experientschas specificas tge che pertutga il sajettar entirs trieps.
Sajettar lufs ed entirs trieps vegnan en emprima lingia la guardiaselvaschina, ma era l'uniun da chatschadurs dal chantun ha fatg amogna ses sustegn sch'il chantun dovria quel.
Ch'in chatschader possia sajettar lufs dovri ina scolaziun profunda, sco quai ch'è era gia capità l'onn passà a Claustra.
