In comité cun il num «RSO, ds Radio vu do blibt do» ha lantschà ina petiziun. En quella pretenda el che la concessiun da radio per la regiun Grischun, Glaruna e Part Surda da Son Gagl resta tar RSO.
Il comité n'ha nagina chapientscha per la decisiun dal BAKOM. Cun la petiziun vulan ins surtut mussar che RSO è fitg derasà ed ha gronda simpatia en la regiun. La finamira saja da rimnar tranter 15'000 fin 25'000 suttascripziuns.
Il comité quinta era che la Somedia tira vinavant la decisiun dal BAKOM. Uschia dettia ina schanza ch'i vegnia decidì da nov e ch'il radio «vo do» resta era qua.
Las passantas ed ils passants che suttascrivan, han era lur motivs. Els vulan sustegnair e mantegnair il Radio Südostschweiz.
Jau chat quai donn. Jau taidlel gugent las novitads da la regiun sin RSO e quai ma vegn a mancar suenter.
Gia tar la decisiun davart la concessiun aveva radio Südostschweiz annunzià da vulair far vinavant radio. Plinavant veglian ins examinar e nizzegiar tut las pussaivladads giuridicas.
Adattà al tema
