Siglir tar il cuntegn

Header

cuntegn

Grischun Midada en la direcziun da la Repower

Samuel Bontadelli succeda al vice CEO dal concern d’energia grischun Felix Vontobel.

Suenter passa 30 onns tar la Repower e 25 da quels sco commember en la direcziun sa retira Felix Vontobel da la direcziun.

Sco il concern d’energia grischun scriva possia il viceschef da la Repower uschia sa concentrar dapli sin intgins projects strategics e mandats dal concern. Il medem temp ha el era dapli temp per interess privats.

Samuel Bontadelli è stà fin ussa il responsabel dal sectur da commerzi da la Repower. Bontadelli cumenza sia nova funcziun sco responsabel da la furniziun da prestaziuns il 1. da schaner dal 2018.

RR actualitad

Artitgels legids il pli savens