Set onns era la senda enferrada dal Piz Mitgel sur Savognin serrada – uss duaja ella puspè vegnir averta. Quai ha Adrian Ballat, suprastant digl cumegn da Surses, communitgà envers la FMR. Serrà avevan ins la senda dal Piz Mitgel pervia da crudada da crappa.
Pertutgada da la crudada da crappa era la ruta diagonala – quai è la via da descender da la senda. Geni Ballat, guid da muntagna Surset ed iniziant da la senda, aveva pia stuì decider da serrar la senda. La ruta verticala, quai è la via d'ascender, saja dentant en ina buna cundiziun e po vegnir utilisada vinavant, ha Geni Ballat constatà.
Nova ruta da descender
Ballat ha tenor ses figl, Adrian Ballat, entant chattà in'alternativa per la via problematica da descender. Ord quest motiv haja Geni Ballat tschiffà l'iniziativa da puspè avrir la senda Piz Mitgel. La dumonda da bajegiar persuenter è gia vegnida inoltrada la fin da mars. Ils custs per il project n'èn anc betg enconuschents.
