Plirs tozzels persunas han visità il mardi saira in’occurrenza publica da l’uniun Viamala e-Mobility Circle. Quels han preschentà l’idea dal bus autonom. Sin la fiera dettia gia divers bus che curseschian senza manischunz. La lescha Svizra pretendia dentant il mument ina persuna che accumpogna il bus. Grategiar duess quai cun ina communitad da voluntarias e voluntaris, che accumpognan il bus. Perquai che quai duess capitar sin basa voluntaria, speran ils iniziants ch’ils custs pudessan vegnir tegnids bass. A l’occurrenza d’infurmaziun hai dà diversas persunas ch’han ditg ch’i fissian prontas da metter a disposiziun tschertas uras per accumpagnar il bus.
Nua ch’il bus duess cursar n’è betg anc cler, dals iniziants datti gia plans cun trais rutas tras Tusaun vers l'ospital e fin tar la Caznerwiese, nua che la Landi, il Lidl e l’Aldi han lur butias. Tut duess esser dapli ch’ina visiun, han ditg ils iniziants, anc questa primavaira vul l’uniun e-Mobility Circle inoltrar il project da mobilitad tar la Confederaziun.
