La gievgia è in auto collidà cun la saiv da segirezza sin la via dal Pass dal Güglia, la cunautista saja vegnida blessada levamain, scriva la Polizia chantunala dal Grischun.
In automobilist é charrà il suentermezdi sin la via dal Pass Dal Güglia da l'ospizi en direcziun Bivio. Tar la localitad Capalotta ha el surpassà in camiun. Suenter questa manevra ha il manischunz perdì la controlla sur da l'auto ed è collidà cun la saiv da segirezza dal vial oppost.
L'automobilist n'è betg sa blessà, ma sia cunautista è sa blessada levamain ed ida en l'ospital a Tusaun. Vi da l'auto hai dà in donn total e la saiv è vegnida donnegiada grevamain.