Siglir tar il cuntegn

Header

video
Agid per il Nepal
Or da Telesguard dals 30.06.2017.
laschar ir. Durada: 4 minutas 1 Secunda.
cuntegn

Grischun Central Jeannine Maillard da Bravuogn gida en il Nepal

Jeannine Maillard da Bravuogn ha fundà quest onn l’organisaziun Swiss Hope Sherpa. In project è gia realisà, ed in auter è en lavur.

Ils risplis da colur han fatg grond plaschair als scolars.
Legenda: Ils risplis da colur han fatg grond plaschair als scolars. mad

Sco quai che Jeannine Maillard ha ditg, veglia ella gidar directamain e senza custs d’administraziun en il Nepal, il pajaisch’è vegnì tutgà il 2015 d’in ferm terratrembel. En ina chasa da dimora per impedids ordaifer la chapitala Kathmandu haja ella pudì realisar ina plazza da sport cun chanalisaziun.

A Bung, ina pitschna vischnanca ordaifer ils lieus turistics, sajan ins vidlonder da reconstruir ina scola dadens ch’era vegnida destruida dal terratrembel. Ils uffants hajan gì grond plaschair dals risplis da colur ch'ella haja purtà.

Occurenza d'infurmaziun

La dunna da Bravuogn vul er en l’avegnir gidar en il Nepal. Sonda, ils 24 da zercladur raquinta ella e ses collega nepalais Pasang Rinji Sherpa davart lur projects e lur aventuras. L’occurrenza è la saira a las 18.00 uras en il Hotel Crusch’alva a Bravuogn.

RR actualitad 08:00

Artitgels legids il pli savens