Grischun Central - Enavos per 3'000 onns – tschertga da fastizs istorics en Surses
Dapi tschintg onns visitan students da l’universitad da Turitg mintg’onn il Surses per far exchavaziuns archeologicas. Quest onn è vegnì chavà sur il lai da Marmorera en il conturn da l’Alp Flex. RTR ha fatg ina visita.
Radund 20 students han visità il Surses per far exchavaziuns. En dus lieus han els chattà fastizs en la terra nua ch’i vegniva gudagnà arom. Ils fastizs èn enfin 3'000 onns vegls. Sut la terra èn vegnids natiers charvuns, ch’èn restads enavos da l’elavuraziun da metals. In furn che vegn supponì d'esser en il conturn n’han els betg anc chattà.
Tenor Simon Kurmann, student d’archeologia da l’universitad Turitg, saja il Surses zunt interessant per talas exchavaziuns. I dettia strusch in auter lieu en Svizra, nua ch’ins possia documentar, nua che metals vegnivan elavurads.
1 / 7
Legenda:
Radund trais emnas èn las studentas ed ils students e lur docents en acziun en il Surses.
RTR, Federico Belotti
2 / 7
Legenda:
En questa exchavaziun èn da vesair bain ils fastizs che pudessan esser dapli che 2'600 onns vegls.
RTR, Federico Belotti
3 / 7
Legenda:
Duas studentas durant la lavur en il Surses.
RTR, Federico Belotti
4 / 7
Legenda:
Tut sto vegnir mesirà e documentà minuziusamain.
RTR, Federico Belotti
5 / 7
Legenda:
Anc è il furn supponì betg anc vegnì chattà.
RTR, Federico Belotti
6 / 7
Legenda:
Tut las exchavaziuns vegnan fatgas a maun e senza agid d'in chavaterra.
RTR, Federico Belotti
7 / 7
Legenda:
Simon Kurmann, student d’archeologia da l’universitad da Turitg.
RTR, Federico Belotti
