A Surses è vegnì elegì in nov president communal, dus dals quatter posts da la suprastanza communala, la cumissiun da gestiun ed il cussegl da scola.
Daniel Wasescha nov president communal
Sco nov president communal è vegnì elegì Daniel Wasescha. L'um da 49 onns che lavura tar RTR en il sectur da las resursas umanas era l'unic candidat. El è vegnì elegì cun 650 vuschs, il pli absolut era tar 326 vuschs.
La elecziun d’in nov president communal vegn necessaria, perquai ch’il president actual, Leo Thomann, na stat betg pli a disposiziun per ina ulteriura perioda d’uffizi. Thomann ch'ha 66 onns è dapi la fusiun da la vischnanca Surses l'onn 2016 president communal.
Adrian Ballat reelegì, Gregor Vellacher nov en la suprastanza
Per ils dus sezs en la suprastanza han candidà tschintg persunas. Elegids èn vegnids Adrian Ballat, ch'era gia en la suprastanza, e Gregor Vellacher. Ballat ha survegnì 498 vuschs e Vellacher 349, il pli absolut era tar 342 vuschs. Be tschintg vuschs main che Vellacher ha fatg Thomas Metzler cun 344, Marco Jäger ha survegnì 123 e Johan Buchli 50 vuschs.
En la cumiussiun da gestiun èn vegnids elegids
- Lothar Künzli (643 vuschs)
- Armando Janett (603 vuschs)
- Luigi Sterli (494 vuschs)
En il cussegl da scola èn vegnids elegids
- Anina Janett (612 vuschs)
- Aaron Wasescha (570 vuschs)
- Ursus Sonder (463 vuschs)
- Gianna Sonder (432 vuschs)
