Ils martgads principals sco per exempel en la China, en l’Europa ed en l’America dal Nord na sajan betg sa sviluppads uschè spert, ma quai saja stà da spetgar, scriva la EMS HOLDING AG. Tuttina ha l’interpresa pudì engrondir las fatschentas cun las spezialitads da chemia en tut las regiuns.
Il resultat d’interpresa (EBIT) è creschì sin 280 milliuns francs. Quai è in plus da 5,8% en cumparegliaziun cun l’onn avant. La radunanza generala dals acziunaris ha lieu ils 12 d’avust 2017.
Ems Chemie porscha scolaziun
Persunas che n’han betg in emprima scolaziun duain avair la pussaivladad da far ina scolaziun da basa tar la Ems Chemie. La scolaziun dura en tut 6 mais. Ils emprims trais mais datti ina scolaziun teoretica en la Ems Chemie e suenter duain ils participants dal proget ir a lavurar per in praticum en in’autra forma.
600’000 persunas senza emprima scolaziun dettia quai sin il martgà da lavur svizzer. Per quellas persunas stoppia quai dar pussaivladad da scolaziun dador il sistem social, di la scheffa da la Ems chemie Magdalena Martullo Blocher. Per quels che fan part dal project na dat quai nagina paja. Els survegnan però vinavant la prestaziun sociala.
Quant che il project duai custar na saja anc betg cler. I sajan dentant sulettamain custs da persunal per la scolaziun dals emprims 3 mais. Tenor la Ems Chemie saja il project in engaschament en favur da la societad.
RR novitads 07:00