La ferma plievgia ils 26 d'avust ha laschà ruschnar temporarmain pli fitg il culm. Igl haja dà crudadas da blocca. Cunzunt las parts «Front/Plateau», «Insla Ost» e «West» èn ruschnadas pli svelt, scriva la vischnanca. Suenter paucs dis è la spertezza dentant puspè tschessada.
Legenda:
Vischnanca Brinzauls
Las ulteriuras parts da la bova sajan glischnadas tuttina spert u pli plaun ch’avant. Uschia sa movia il cugn da la bova vinavant cun ina spertezza da radund in meter per onn. Il servetsch d'avertiment haja surveglià la situaziun a moda intensiva.
Ils 160 millimeters plievgia sajan ina quantitad ch'i dettia mo ina giada en 30 onns, scriva la vischnanca. Per s'imaginar, in millimeter plievgia correspunda ad in liter aua per meter quadrat.
