Grischun Central - Bravuogn/Filisur: Er vischnancas burgaisas vulan fusiunar - Novitads

Grischun Central Bravuogn/Filisur: Er vischnancas burgaisas vulan fusiunar

Perquai che las vischnancas politicas da Bravuogn e Filisur fusiuneschan l’auter onn, ston era las vischnancas burgaisas tschertgar ina nova soluziun. Probabel datti era ina fusiun da las vischnancas burgaisas.

Autur: Federico Belotti

audio

Mezdi: Er vischnancas burgaisas Bravuogn/Filisur vulan fusiunar

ord Actualitad dals 25.04.2017.

laschar ir. Durada: 2 minutas 23 Secundas.

Tant Yves Broggi, il president da la vischnanca burgaisa da Bravuogn, sco era Wolfang Schutz, il president da la vischnanca burgaisa da Filisur han ditg, ch’els veglian era en l’avegnir avair ina vischnanca burgaisa. Fundar ina cooperativa da burgais (Bürgergenossenschaft), na saja però nagin tema, perquai che la nova lescha da vischnancas ch’è il mument en consultaziun na prevesa betg pli questa varianta.

Il pli tard cura che la vischnanca politica va en vigur – previs è il schaner 2018 – ston era las vischnancas burgaisas avair decidì, sch’ellas vulan sa schliar e surdar l’entir possess a la vischnanca politica, u realisar la varianta da fusiunar era las vischnancas burgaisas.