Siglir tar il cuntegn

Header

cuntegn

Grischun Central Agenda 2030 ina sfida per la regiun Grischun Central e Viamala

En l’Agenda Grischun 2030, la strategia per il svilup da l’economia regiunala, è la regiun Viamala partida en ensemen cun il Grischun central. Quai cuntrari a la refurma territoriala, nua che las duas regiuns èn separadas. Ina sfida per ils pertutgads.

«Igl è ina regiun cun fitg differentas culturas ed ins senta in pau che mintga regiun è drizzada ora in pau en in’autra direcziun – quai è betg ina regiun che sa chapescha da sa sezs sco regiun funcziunala, qua stuain nus anc lavurar vidlonder», di Carmelia Maissen, la sviluppadra regiunala da la Regio Viamala.

«Tgi che paja, cumonda»

Per Roman Bergamin, il manader da la Regiun Grischun Central èsi cler, che betg tut ils projects ston vegnir coordinads tranter las regiuns: «Il palpiri da svilup pussibilitescha a nus era, da far lavur autonoma per exempel en la vischnanca Albula/Alvra, era sch’i dat tschertas collavuraziuns cun la regiun Viamala», di Roman Bergamin.

audio
Mezdi: Agenda 2030 ina sfida per regiun Grischun Central e Viamala
ord Actualitad dals 24.06.2015.
laschar ir. Durada: 2 minutas 59 Secundas.

Che las duas regiuns ston collavurar ina cun l’autra, saja vegnì definì da l’uffizi per economia e turissem dal Grischun, ensemen cun il Secretariat da stadi per l’economia SECO, ha ditg il manader da la Regiun Grischun Central cun la remartga: «Tgi che paja, cumonda».

Artitgels legids il pli savens