Siglir tar il cuntegn

Header

video
La gruppa Whatsalp fa suenter 25 puspè la tura atravers da las alps
Or da RTR dals 25.07.2017.
laschar ir. Durada: 1 minuta 33 Secundas.
cuntegn

Engiadina Svilup alpin pli pragmatic

La gruppa da scienziads Whatsalp fa suenter 25 onns puspè la tura a travers las alps. E Whatsalp constatescha ch'i dat oz dapli projects pragmatics che acziuns da protest sco avant 25 onns.

audio
Saira: Malögia - da Vienna a Nizza
ord Actualitad dals 25.07.2017.
laschar ir. Durada: 2 minutas 36 Secundas.

Whatsalp è ina gruppa da coc da quatter scienziads che han organisà per la segunda giada ina tura a travers las alps, da Vienna enfin Nizza. Els vulan guardar sin quella tura tge svilups ch'i dat en las valladas alpinas da l'Austria, da la Svizra, da l'Italia e da la Frantscha. La prima tura sa numnava anc Transalpedes ed è stada avant 25 onns.

Svilups pli pragmatics

Ils commembers da Whatsalp han raquintà ch'els vesian oz dapli iniziativas e projects pragmatics ed economics en las regiuns alpinas sco avant 25 onns. Lura sajan protests encunter projects da vias ubain dad ovras electricas stà in tema bler pli impurtant.

Anc enfin la fin da settember

La tura a travers las alps da la gruppa Whatsalp ha cumenzà ils 3 da zercladur a Vienna. Anc enfin ils 21 d'avust èn ils scienziads da Whatsalp en Svizra. La tura finescha lura ils 29 da settember a Nizza.

video
La ruta da "whatsalp"
Or da RTR dals 26.07.2017.
laschar ir. Durada: 15 Secundas.

RR actualitad 17:00

Artitgels legids il pli savens