Siglir tar il cuntegn

Header

video
Segirtad sin lais da l’Engiadin’Ota ha pli auta prioritad
Or da Actualitad dals 06.03.2015.
laschar ir. Durada: 2 minutas 59 Secundas.
cuntegn

Engiadina Segirtad sin ils lais d’Engiadin’Ota ha la pli auta prioritad

Suenter l'accident tragic sin il lai da Silvaplauna nua ch’in maschinist è mort, èn las directivas da las duas vischnancas Segl e Silvaplauna cleras. Maschinas grondas na dastgan per il mument betg pli traffitgar sin il lai schelà.

Ils fastizs per la gronda cursa da passlung questa dumengia cun partenza a Malögia duain vegnir tratgs cun töfs da naiv. Quels èn bler pli ligers.

Nagut da nov

Per l’organisaziun dal maraton da skis engiadinais ina regla chapibla e gnanc propi nova da proseguir. Gia l’onn passà avevan ils maschinists da far la loipa dal maraton sur ils lais cun uschè numnads skidoos. Quai causa las temperaturas chaudas ed il “glatsch da sandwich” che s’aveva furmà sut la vetta da glatsch.

Vetta tegna paisa

Actualmain han ins mesirà ina grossezza da glatsch da radund 30-40 cm. Tenor il glaziolog Felix Keller porta quella vetta senza problems la paisa dals stgars 13’000 participants ch’èn annunziads per il 47avel maraton da skis engiadinais.

Artitgels legids il pli savens