Engiadina - Isolà in mais dal rest dal mund

Las lavurs da preparaziun per il project spectacular han cumenzà schon quest mais. In consorzi da trais firmas bajegia il mument si ina plattafurma speziala sin la quala sa chattan lura ils containers cun las chombras da cumpressiun per ils sfunsaders ed ils biros per l'entira squadra enturn.

In mais sut pressiun permanenta

audio

Saira: Metoda extraordinaria per sanar il mir da serra

05:40 min, ord Novitads dals 19.05.2016.

laschar ir. Durada: 5 minutas 40 Secundas.

Per far las lavurs, radund 110 meters sut la surfatscha da l'aua, ston ils sfunsaders viver in mais permanentamain sut ina pressiun da 10 bar. Quels lavuran durant ils mais zercladur e settember davent dad ina plattafurma speziala.

A la fin da las lavurs ston ils sfunsaders far tras ina fasa da decumpressiun da 5 dis per pudair sortir da la chombra da cumpressiun.

Fatgs davart la plattafurma sin il lai d'accumulaziun

• 51 elements
• mintg'element paisa 5 tonnas
• vegnan montads surtut da 3 spezialists ollandais
• ils elements vegnan per gronda part da la Frantscha

Las lavurs sut aua cumenzan ils 13 da zercladur. Las ovras electricas d'Engiadina investeschan 24.5 milliuns francs en il project.

1 / 16

Legenda: Il mir da serra Punt dal Gall è 130 meters aut RTR, V.Rominger

2 / 16

Legenda: Il lai d'accumulaziun ha ina surfatscha da 4.7 kilometers quadrat RTR, V.Rominger

3 / 16

Legenda: Cun in ascensur vai giu radund 37 meters RTR, V.Rominger

4 / 16

Legenda: Qua vegn la plattafurma bajegiada sin la surfatscha dal lai RTR, V.Rominger

5 / 16

Legenda: Lavurs che cuzzan radund in mais RTR, V.Rominger

6 / 16

Legenda: Per il construct sto tut il material vegnir laschà giu dal mir RTR, V.Rominger

7 / 16

Legenda: En tut vegn transportà material sin 60 camiuns fin tar il mir da serra Punt dal Gall RTR, V.Rominger

8 / 16

Legenda: Per pudair charrar tras il tunnel Munt la Schera sto il material vegnir mess sin camiuns pli pitschens che passan il tunnel RTR, V.Rominger

9 / 16

Legenda: Els 3 prendan encunter il material ed èn ils profis per montar ils 51 elements da la plattafurma RTR, V.Rominger

10 / 16

Legenda: Quels rivan da la Frantscha e paisan mintg'in 5 tonnas RTR, V.Rominger

11 / 16

Legenda: Cura che la plattafurma è a fin vegn ella ad esser 3 giadas uschè gronda RTR, V.Rominger

12 / 16

Legenda: Il plan per la plattafurma cumpletta RTR, V.Rominger

13 / 16

Legenda: Pascal Morfin, in dals 4 sfunsaders RTR, V.Rominger

14 / 16

Legenda: Chombra da decumpressiun d'urgenza RTR, V.Rominger

15 / 16

Legenda: En cas d'urgenza vegnan ils sfunsaders sco emprim tractads qua RTR, V.Rominger

16 / 16

Legenda: D'intgin che sa ir enturn cun tut la tecnica RTR, V.Rominger