Siglir tar il cuntegn

Header

video
La famiglia Giani e l'istorgia nautica sin il Lai da Segl
Or da sil punct dals 28.07.2017.
laschar ir. Durada: 1 minuta 57 Secundas.
cuntegn

Engiadina «Ils Gianis» – in’istorgia nautica sin il Lai da Segl

Dapi trais generaziuns maina la famiglia Giani gia la bartga che cursescha da Segl a Malögia. I sa tracta da l’interpresa nautica situada il pli aut en Europa. Per preschentar la tradiziun dals ultims passa 100 onns, ha Francesca Giani ramassà documents e fastizs da la famiglia.

audio
Saira: La societad nautica sin il Lai da Segl
ord Actualitad dals 28.07.2017.
laschar ir. Durada: 3 minutas 33 Secundas.

Cun ina pluna da fotografias, notizias e raquints ha la giuvna pudì realisar in’exposiziun da l’istorgia nautica dals Gianis che ha gia ina tradiziun sur trais generaziuns. A maun da tablas vegnan ils visitaders da l’exposiziun infurmads davart il svilup che l’interpresa ha fatg durant l’ultim tschientaner.

Da la simpla bartga da remblar al bastiment motorisà

Entant ch’il non da Franco Giani transportava ils giasts sur il Lai da Segl anc cun ina bartga da remblar, manischescha il «capitano» da 73 onns oz in bastiment motorisà tranter Segl e Malögia.

Quarta generaziun prest pronta

Sia figlia ch'ha organisà l’exposiziun nautica en la remisa da bartgas a la riva dal Lai da Segl, è da buna speranza ch’ella possia insacura succeder a ses bab sco quarta generaziun «al volante» – a la roda da manischar. Per entant circulescha anc ses bab regularmain tenor urari e beneventa cun paucs pleds ils passagers tranter Segl e Malögia.

RR actualitad 17:00

Artitgels legids il pli savens