Siglir tar il cuntegn

Header

cuntegn

Engiadina Er 3 onns suenter la votaziun persvadì da l’iniziativa Weber

Il architect engiadinais Chasper Cadonau era in dils paucs impressaris in Engiadina ch'era s'exprimì publicamain per la limitaziun d'abitaziuns secundaras, e sustegnì uschia l’iniziativa Weber.

Suenter la votaziun haja el sentì pliras giadas las consequenzas da sia tenuta. Ch’ins haja d’avair ina pel dira per fruntar tut las remartgas e rinfatschas.

Chasper Cadonau è però er anc oz persvadì, che la limitaziun da pudair fabritgar novas chasas è la gista via. Deplorabel è tenor el il fatg, che la politica ha duvrà 3 onns per elavurar ina lescha che definescha la limitaziun.

Perdita da plazzas da lavur è deplorabla

Chasper Cadonau deplorescha er il fatg, ch'i vegn ad ir a perder radund 30% da las plazzas da lavur en Engiadina ils proxims onns, quai surtut en il sectur da construcziun. I haja però gia adina dà crisas ch’ins avess er da vesair sco schanza.

Il suveran svizzer aveva acceptà l’iniziativa Weber per limitar las abitaziuns secundaras ils 11 da mars 2012, cun 50.6% da las vuschs.

Artitgels legids il pli savens